Lionel Messi ka deklaruar se është gabim ta quash ekipin e Barcelonës si më të mirin e të gjitha kohërave.

Shumëkush, përfshirë edhe persona brenda Barcelonës, e kanë etiketuar ekipin si më të mirin që ka ekzistuar ndonjëherë.

"Unë nuk do të thosha se ne jemi ekipi më i mirë në histori pasi ka pasur shumë ekipe të shkëlqyeshme në kohë të ndryshme. Por ne kemi treguar se jemi një ekip që meritojmë të mbahemi mend”, ka thënë Messi.

Argjentinasi po ashtu ka nënvizuar: "Unë kurrë nuk mund ta shoh veten duke luajtur për një fanellë tjetër përveç Barcelonës”.

Një skandal rrezikon të trondisë kampionin e Barcelonës Leo Messi. Sipas të përditshmes argjentinase, "Libre” fituesi i topit të artë së bashku me vëllezërit Milito edhe këta lojtarë të kombëtares argjentinase kanë qenë protagonistët e një mbrëmjeje ku ka sunduar seksi dhe alkoli.

Sipas kësaj gazete, festa është zhvilluar në apartamentin e Messit që është në zonën vip të kryeqytetit argjentinas.

Lajmi bazohet në thëniet e modeles argjentinase Xoana González, e cila ka qenë prezente në këtë mbrëmje.

Shtatë futbollistë shqiptarë janë pjesë e skuadrave italiane që do të garojnë në Serie A. Ky rekord mund të dyfishohet nëse gjatë kësaj vere do të përfundojnë në ekipet italiane dhe shtatë apo tetë futbollistë të tjerë shqiptarë që kërkohen vazhdimisht.

Gjithsesi nëse jo të gjithë, mediat italiane raportojnë se të paktën tre apo katër shqiptarë do të bëhen pjesë e ekipeve të Serisë A.

Pjesë e Serisë A janë: Valon Behrami (Fiorentina), Blerim Xhemajli (Parma), Erjon Bogdani (Cesena), Migjen Basha (Atalanta), Samir Ujkani e Rijat Shala (Novara) dhe Pajtim Kasami (Palermo).

Pjesë e Serisë A mund të bëhen edhe: Lorik Cana, Përparim Hetemaj, Mehmet Hetemaj, Xherdan Shaqiri, Grant Xhaka, Agon Mehmeti dhe Panajot Kone.

Anësori i Galatasaray, Arda Turan, pritet të ndjekë trajnerin Guus Hiddink tek Chelsea.

The Mirror shkruan se Hiddink do t`i sjellë Chelseat edhe një lojtar të ri, duke marrë me vete Turan i cili do bëhet nënshkrimi i parë i këtij afati kalimtar për Blutë.

Hiddink është i gatshëm të ofrojë lojtarë të tjerë si shkëmbim plus para kesh shtesë deri në vlerën e 18 milionë paund. Jose Bowingw mund të jetë njëri prej lojtarëve që mund të sakrifikohet për të sjellë Turan në Stamford Bridge.

Trajneri i kombëtares së futbollit Josip Kuzhe, në ndjekje të talenteve të reja nga Kosova.

Kroati Kuzhe ka qenë në Prizren ku ka vizituar ambientet e klubit "Iliria", në të cilën ka folur edhe për mundësinë e zhvillimit të ndeshjes Shqipëri-Rumani në Kosovë.
 

Kuzhe tha gjithashtu se ndaj Argjentinës do të luajnë lojtarë të rinj që nuk kanë pasur mundësi që të luajnë shumë në ndeshjet eleminatore.

Futbollisti i Chelseat, Frank Lampard është fejuar me të dashurën e tij, prezantuesen televizive Christine Bleakley. Ata janë për momentin me pushime në Los Angeles, ku Frank i ka propozuar Christines në një darkë romantike.

"Jam i lumtur të them se Christine Bleakley e ka pranuar propozimin befasues të Frank Lampard për fejesë, këtu në LA”, ka thënë agjenti i lojtarit Steve Kutner.

Ish-prezantuesja e BBC, tashme në ITV, Bleakly ka thënë se ajo më së shumti dëshiron që të ketë fëmijë.

Frank dhe Christine u takuan në Pride of Britain Awards në vitin 2009 pasi u njohën nga Piers Morgan dhe Kevin Pietersen. Futbollisti blu ka dy fëmijë me ish të fejuarën e tij Elen Rivas, Luna dhe Isla. Frank u nda nga modelja spanjolle në nëntor te vitit 2008, pas 8 vitesh bashkë.

Shefi ekzekutiv i Chelseat, Ron Gourlay ka këmbëngulur se Didier Drogba nuk do të largohet nga Stamford Bridge në një të ardhme të afërt.

"Drogba është një prej lojtarëve kryesorë që do të qëndrojnë. Ai do të jetë me ne edhe në sezonin e ardhshëm. Synimi jonë është që të kthehemi konkurues. Vitin e kaluar e kemi pasur të vështirë”.

"Sidoqoftë, kjo është histori tani. Ne do të shkojmë përpara. Ne presim që të jemi konkurues për të gjitha trofet e sezonit e ardhshëm. Unë e di se një klub si ne mund të rikthehet shumë shpejt”, ka thënë Gourlay.

Gonzalo Hiuguain e konsideron si një seancë stërvitore ndeshjen kundër Shqipërisë. Në një intervistë të dhënë për mediat argjentinase, sulmuesi i Realit të Madridit thotë se ndeshja miqësore e 20 qershorit do të jetë një shans i mirë për skuadrën që të rigjejë formën e duhur.
 

"Ndeshja me Shqipërinë do të jetë një shans i mirë për të na ndihmuar të gjejmë formën e duhur, por megjithatë do te jetë e nivelit të stërvitjeve pasi nuk kemi arsye qe te risim nivelin e lojës. Unë dhe një pjesë e mirë e skuadrës nuk luajmë prej një periudhe të gjatë dhe mendoj se miqësorja e 20 qershorit do të jetë një test i nevojshëm për të parë nivelin tonë”, ka thënë sulmuesi për "TyC Sports.es”.

Sido që të luajë Argjentina në ndeshjen kundër Shqipërisë, në fushë do të ketë gjithnjë yje nga skuadra amerikano-latine. Kjo, pasi trajneri Batista ka bërë publike edhe listën e futbollistëve q ... Read more »

Trajneri i cili bëri mrekulli këtë vit me Tottenhamin në Champions League, Harry Redknapp është në listën e ngushtë të pronarit rus të Chelseat, Roman Abramovich për të zëvendësuar italianin, Carlo Ancelotti.

E përditshmja angleze "Mirror” shkruan se Redknapp është në mesin e një morie te emrave që janë të lidhur me të ardhmen e Chelseat. Italiani është vendosur që të shkarkohet në fund të sezonit pas një sezoni të dështuar në të gjitha garat kombëtare dhe ndërkombëtare.

Redknapp është më pranë shtabit teknik të kaltërve të Londrës para ish trajnerave të Barcelonës, Marco van Basten dhe Frank Rijkaard. Po ashtu bordi i Chelseat preferon më shumë britanikun se Pep Guardiolan e Barcelonës apo Villa Andre-Boasin e Porto-së.

Ish objektivi i Abramovich, holandezi Guus Hiddink nuk është më në planet e pronarit rus, pasi ditë më pare, trajneri holandez deklaroi se do të ... Read more »

Legjenda e Barcelonës, Johan Cruyff, ka komentuar barazimin e të shtunës ndaj Real Madridit dhe nuk ka qenë i impresionuar me taktikat e aplikuara nga Jose Mourinho, duke e etiketuar portugezin si një "trajner negativ".

"Është një kompliment i madh për Barcelonën kur Real Madrid fillon ndeshjen në Santiago Bernabeu me shtatë mbrojtës. Kjo ndeshje konfirmoi se Jose Mourinho është një trajner negativ. Ai shqetësohet vetëm për rezultatin dhe nuk shqetësohet shumë për të bërë futboll të mirë”, ka thënë Cruyff.

"Qartas, ai erdhi me diçka para katër ndeshjeve të mëdha kundër Barcelonës. Një disfatë e thellë do të kishte qenë goditje e madhe në prag të finales së Kupës së Mbretit dhe ndeshjeve të Ligës së Kampionëve, Sidoqoftë, vendimi i tij të luajtur me shtatë mbrojtës dhe tre sulmues ishte disi ekstrem”, ka shtuar holandezi.